Ek Chaah

Ek koshish khud ko samajhne ki
Ek talaash,Ek prayaas,
Rooh main jhaank us anjaan chehre ko pehchaan ne ki,
Usse roo-ba-roo hone ki,
Use apnaane ki,
Ek chaah ab khud ko pehchaan ne ki.

Apne dharaatal se utth
Us aur ek haath badhaane ki,
Kal se door us kal ki aur badhne ki,
Navodit us umang ko pehchaan ne ki,
Khushi uske panapne ki,
Ek chaah ab khud ko chaahne ki.

Ek nayi shuruaat ko janm dene ki
Aaine main dekh muskuraane ki,
Khud se pyaar karne ki,
Khud ke kareeb aane ki,
Ek talaash,Ek prayaas,
Ek chaah ab ek nayi udaan bharne ki...