Haan shayad ek uljhan hai.
Ya nahi...
Na uska koi chehra hai na uski koi parchaai.
Jaise woh bas hai. Yehin-kahin. Aas-paas.
Shayad mere hi andar hai. Shayad mera hi hissa…
Jo chaloon main, toh woh saath chal deta hai.
Jo theher jaaun. Toh bas mere saath
Meri hi paas dubak kar baith jaata hai.
Mooh pher loon. Toh bhi nahi maanta.
Jaise hum-raahi ho.
Jhatak doon. Toh bhi nahi saath chodta.
Jaise mera ho. Koi apna.
Ek uljhan hai.
Yehin kahin. Aas-paas.
Shayad mere andar. Shayad mera hi hissa...
3 comments:
I have been reading your blog for many months now. You write so awesomely well. It is always a pleasure to read your words.
Thanks :)
start writing.
again.
:)
M.
Post a Comment